Rapthlak zetin Lairawn mino that a tuar

Kalay peng, Pyi Taw Thar doawknak boruak hrawng ih mihlo LalRamHngaka cu hriamhma rapthlak zet thawn thi cia in a ruak an sar tiah theih a si.

Amah hi Kalay PDF Battalion 12 ralkap a si ih, tubaite Pyi Taw Thar doawknak boruak ah a hlo mi a si.

Ahlo pek ah a ralkappi pawl in an hawl nan an hmu thei lo ih inn lam ah a tlung siding ti`n an ruat lawk nan, inn lam ihsin a thuhla zianghman an rak thei ve lo ruangah mihlo dinhmun in hawl saal in thi cia in a ruak an sar tiah theih a si.

A rualpi mipakhat cun “rel mawi lo tla a si nan, ralkap pawl nunrongzia kan theithiam theinak dingah ka rel lawlaw mei ding.”

“A kut zung 4 hnakih mal lo an tan sak ih, a ban pawl khalah naam hlepnak hriamhma a um. An hrem nasa ti cu a fiang. Cun, ataksa ṭhenkhat cu mei thawn khangmi bangin a ut. Atuar dan khal kan thiam lo” tiah a ti.

Kum 24mi LalRamHngaka cu a ruak an hmu hnu reilote ah Christian daan pangaiten a ruak an vuiliam tiah theih a si.

Leave a Reply

Your email address will not be published. Required fields are marked *