Ralthuam famkim thawn CNO/CNDF kut ah a apaw

Chin ramkulh, Falam peng ခလရ 268 Battalion ralkap Htet Myat Aung cu ralthuam famkim thawn CNDF hnen ah a apaw tiah theih a si.

Ralkap Htet Myat Aung (Personal number တ- 572557 cu tubai ah CNO/CNDF hnen ah a apaw ti`n CNO khalin official in thu an suah.

Ralkap lakah thleidanawknak a tam ih, rank sang pawl in an kut hnuai ralkap nuaineeknak a um ruangah le mipi lainatnak neiloin duhtawk ih an that ṭheumi pawl tuar/hmu thei nawn loin ralthuam famkim thawn CNO/CNDF a pan mi a si.

Amah rualin MA 1 meithal zuunkhat, cerek bur 4, kutden bomb 1, cerek 85 le a painak vaidip, tithawl tipawl a keng tel.

Amahcu lawmman pekin CNO/CNDF in hmun him ah an kuat zo tiah kan thei.

Tukum thok, 2022 January thlalai hrawng khalah ခလရ 268 Battalion ralkap Zin Lin Aung in ralthuam famkim thawn CNO/CNDF hnen ah a apaw a si.

Leave a Reply

Your email address will not be published. Required fields are marked *