Ralring : Falam ah Covid 19 pianhmang thei theih lomi a thleng

Atufang Falam siizungpi ah Covid mina 42 lenglo zohkhen an si ih cupawl lakah besia deuh Oxygen thluah ṭul mina 22 an um.

Siizung ummi lakah miṭhenkhat cu thei theih lomi Covid pain hmang thleng (Virus variant) thawn an damlo tikah khuasung mipi zaten fimkhur zetin kan um ṭul tiah Dr. Tluang Cung Thang in a ti.

Amahcun “atufang Covid 19 nathrik a darh mi cu a hnaṭuan a cak tuk. Ziangmi virus variant a si tikhal kan theithiam lo. Nan, a cak zet ticu kan thei ciang. Curuangah ṭul lo nakah lengvak lo ding, Poihei thupi nei in leng kan suak khal le hmaikhuh bun tengteng ding. Kut kholh teima ding. Leng khal lengaw lo ding. Na tisa ah Covid – 19 nat pian hmang a suak pang cun volunteer lole harhdamzung lam pan lohli in test tuah zang aw” a ti.

Falam Covid 19 mina dinhmun

August 4 ih Covid nat check mi mipum 28 ah positive mina thar 4 an um ih, June 1 ihsin August 4 tiangah positive mipum 508 an um zo. (August 4 ah Pi No Lian Tlem (kum 52) in in cem san ih, atufang Covid 19 mina siizung um mipum 61 an um).

Falam khuasung ihsin Covid nat nak thawn in cem santu mipum 40 le Laikhua lam ihsin mi 4 an thi zo ih penghuap in Covid 19 mithi 44 an um thlang a si.

Covid ruangih in cem santu pawl cu – June 2 ah Pi Zing Rem Thluai (Kum 53), June 12 ah Rev. Piang Bik (Ramthlo- Kum 51) le Pi Khawfeli (Rihkhawdar- Kum 81), June 13 ah Pu Sui Ceu (Kum 67) le Pu Lalthanpuia (Rihkhawdar- kum 38), June 16 ah Mai Lal Muan Kim (Kum 27), June 18 ah Pi Za Nawn Kai (Kum 79), June 19 ah Pastor Thang Hre Mang (kum 33), June 21 ah Pi Lun Khaw Niang (kum 76), June 22 ah Salai Lal Than Eng (kum 25), June 24 ah Pu Cung Lian (kum 66), June 25 ah Pu John Ral Za Lian Kulh (kum 60), June 26 ah U Win Naing (Rihkhawdar- kum 72), June 27 ah Pu Hrang Thawm Vel (kum 62), June 28 ah Pu Leeng Tin Hre (kum 66), June 29 ah Daw Win Mya Kyi (kum 51), June 30 ah Pi Ni Siang Men (kum 39), July 1 ah Pi San Del (kum 63) le Pu Lal Duh Cung (kum 44),July 2 ah Pu Hung Hleih (kum 46), July 5 ah Pu Thang Lam Kim (kum 40), July 7 ah Pu Martin Hniar Cung (kum 72), July 9 ah Rev. Philip Tlei Thuan (kum 63) le Pu No Lian Sang (kum 73), July 10 ah Pu Ronald Ci Hem (kum 75), July 11 ah Pi Thian Vel (kum 55) le Rev. D. Vai Lian Zul (kum 50), July 12 ah Salai Cin Sum Bik (kum 29) le Pu Anselm Vung Suan Kham (kum 64), July 14 ah Pi Aye Sui (kum 50),July 15 ah Pi Sui Par (kum 70), July 16 ah Pi Țuan Kai (kum 63) le Pu Hai Hlei Thuan (kum 75), July 17 ah Pu Mang Tho (kum 60) le Pu Hniar Kung (kum 84), July 18 ah Pu Kap Dun (kum 93), July 20 ah Pi Tai Len (kum 90), July 21 ah Pi Fung Thluai (kum 76), July 22 ah Pu Hrin Cung (kum 59), July 24 ah Rev. Run Ro Hngak (kum 58), July 30 ah Pu Lian Zam (kum 55), August 2 ah Pu Con Piang (kum 69) le Dr. Van Lal Za Thang (kum 32), August 4 ah Pi No Lian Tlem (kum 52) pawl an si.

Leave a Reply

Your email address will not be published. Required fields are marked *