Ralring : Falam ah misual pawl in datsi thawn inn urkaang tum

Zo a si ti thei lo mi misual pawl in datsi thawn inn an urkaang tum ruangah khawsung mipi zaten ralring cio dingin Falam CDM Supporters in ralrinpeknak thu an than.

Misual pawl cun hmun hnih ah inn an urkaang tum nan mipi pawl in an phal man tiah theih a si.

Falam CDM Supporters thuthanmi ah “Khawsung um mipi pawl!!!! Kan umnak ciar in kan ralring pei!
Bazaar ih dawr pakhat ah le ST John kiang ih inn pakhat cu zo ti thei lo mi mipahnih in datsi toih in an ur tum nan an phal man. Veng tin ih mipi zaten nan ralring cio pei!!!!” tiah an tarlang.

Inn ur tumtu hi zo pawl an si ih, ziang duh san in an ur tum tivek cu thu felfai theih a si lo.

Tuhrawng hi Falam-Hakha ziinpi ah Chinram hriamkai ṭangrual pawl le SAC ralhraang nasaten an kapaw ih doawknak ah ralhraang 50 luan an thi zo tiah CNO/CNDF in mizaan March 4 ah thu an suah.

Leave a Reply

Your email address will not be published. Required fields are marked *