CNDF bomb kammi palpuak ruangah SAC Ralhraang 5 thi, Doawknak ah 4 hrawng thi bet

Falam : Webula ihsin Vaar lam pantu SAC ralhraangrual cun January 14, zinglam nazi 3 hrawngah CNDF bombkammi an ti puak ih, mi 5 thiin hriam tuar khal an um tiah CNO in thu an suah.

Tuini, January 15 khalah Vaar ihsin poksuaktu SAC ralhraang le CNDF cu zing nazi 10 hrawngah Parte khua kiangah an kapaw tiah theih a si ih zaanlam nazi 5 hrawng tiang an doaw pehzom.

Doawknak ah SAC ralhraang lam mithi 4 hrawng an um hlei ah hriam tuar 10 hrawng an um ti`n CNO cun thu an suah.

Kalay ihsin Chinram ra kaisotu SAC ralhraang le hriamkai ṭangrual pawl Tedim peng ih an kapawknak khalah CNDF an tel ih, doawknak ah SAC ralhraang in raldo vanzam a hmang nan CNDF lam ah hriamtuar an um lo tiah CNO thusuahmi ah an ngan tel.

Atufang, Saklam Chinram boruak a sosang ruangah Falam-Kalay ziin siseh, Falam-Webula ziinpi tipawl ah khualtlawng sukso lo dingin CNO in mipi an thei ter a si.

Siarbet : Atufang Saklam Chinram boruak sosang, Hriamkai ṭangrual pawl le SAC rahraang Ni 3 rori kapaw zo

Atufang Saklam Chinram boruak sosang

Leave a Reply

Your email address will not be published. Required fields are marked *