Ralhraang SAC ralkap kut tuarin Chin nu nunnak liam

Pu Khai Khaw Cin le Pi Khuang Zi tei` fanu Sayamah Yi Yi Khine (kum 40) cu ralhraang kut tuar in February 1 ah a nunnak a cem.

Kalaymyo ih um Sayamah Yi Yi Khine cu ṭulpoimawh ruangah lengsuakvakin, inn a tlung lam ah ralhraang SAC ralkap in a pum ah an kap.

“RTC, LCEC bulpak tlawng ah ralhraang pawl umhmun an khuar ih, cuih hmun ihsin meithal an hmet puak. Mawṭaw cycle thawn inn a tlung lam ah an kap ngah mi a si” tiah a sungkhat naivai mipakhat cun a rel.

An kap ngah pek ah lungfim keukeu`n a sungte phone sak dingah a ra pantu pawl a sim thei ih, cutin Siizung an panpi hnu ah a nat tuar loin sun lai hrawng ah a nunnak a cem tiah amahcun a rel bet hrih.

Tem Boih tikhalih kohmi Sayamah Yi Yi Khine cun fanau 2 a tanta tiah kan thei.

Leave a Reply

Your email address will not be published. Required fields are marked *