Ralhraang SAC ralkap in rapthlak zetin Sekan fala an that

Sagaing ramṭhen, Kalay peng, Sekan khawmi Mai Tawk Rem Cer cu ralhraang SAC ralkap kut tuar in a nunnak a liam tiah theih a si.

Ziangtik ah a thi timi cu felfaiten theih a si lo ih kiangkap naivai pawl in rimsia an thei hnu lawngah hngawng naam hlepnak hriamhma thawn thi cia in a ruak an hmu mi a si.

“Ralhraang ṭih ah a nu thawn khawsung ah an beu ih, poimawh nei in khua ah a kir saal duak lai ah ralhraang thawn tongaw in an that” tiah tualsungum relmi cu MPA in a tarlang.

SAC ralhraang in Sekan khua cu April 9 ah voi 10 lenglo phukpi thawn an kap ih biakinn telin inn siat mi ṭhenkhat a um.

Sunlai ah khawsung an luhcilh ih meithal hmetpuak in mi inn bok sak, thil fir in an khawsa tiah khawmi pawl in an rel.

Zaanlam ah mithi topitu khawmi 50 lenglo an kai lawk nan miṭhenkhat an thlah saal tiah theih a si.

Cumi boruak ah Mai Tawk Rem Cer (kum 28) that a tuar an zum ih, a ruak cu April 11 ah an hmu suak tiah thuthang kan ngah.

Leave a Reply

Your email address will not be published. Required fields are marked *