Ralhraang SAC ralkap in Parte khua biakinn telin Inn pawl Urkaang

Chin ramkulh, Falam peng, Parte khua ih inn pawl cu ralhraang SAC ralkap in May 10 zaanlam khaw thim zik hrawngah an Urkaang tiah theih a si.

Internet cahmai ih thlah darhmi zuk sung lang dan ah hmun 3 ah mei a kaang mi a lang ih, ramsung media ṭhenkhat cun JCC biakinn telin inn 3 a kaang tiah an tarlang.

Ralhraang ralkap hi May 9 ah Falam ihsin an poksuak ih Vaar luan Parte khua thleng hlan ah zaan khat an riak.

Kalay lam pantu ralhraang ralkap ṭih ah Lumbang le Parte khawmi pawl cu sahimnak hawlin hram lak ah an rak beu cia tiah an sim.

Parte khua inn a kaang dan hi kut ih duah mi maw ralthuam tum thawn kah ruangih a kaang mi ti cu felfaiin theih a si lo nan, May 10 ah Falam vankautlang ihsin ralhraang ralkap pawl in Parte khua lam hoih in phukpi thawn voitamzet an kap tiah khawmi pawl cun an sim.

Tuhrih tiangah Parte innkaang ruangah le ralhraang kut tuar khawmi an um le um lo cu felfaiten theih fiang a si hrih lo.

Ralhraang ralkap mawṭawtlar cu Hakha ihsin a ra mi an si ih Lamzintluan ah inn an urkaang phah vivo tiah theih a si.

Leave a Reply

Your email address will not be published. Required fields are marked *