Ralhraang ralkap pawl Falam ah an thleng

June thlacem ah Laitlanglam pan ih kaisotu ralhraang ralkap pawl cu Falam ah an thleng tiah theih a si ih, Khuasung ah an riak ding zum a um ruangah ralring fimkhurten um cio dingin FRC in khawtlang mipi thu a than.

Uico pawl Falam khuasung ah an riak lala ding ruangah zocio ralring le fimkhurten kan um cio pei. Zaan khuamol hnu cu leng suakvak lo ka tum pei. Falam Regional Committee

Ralhraang ralkap hi hnaṭuannak mawṭaw le ralkap mawṭaw 30 lenglo thawn an si ih Thing, Thirfung le Rua tipawl an phur tel.

An thil phur mi zohin Hakha le Thantlang karlak, Timit lilawn don sal an tum a si thei ih, thuhla felfai nemhnget mi cu hmuh ding a um hrih lo.

Hakha le Thantlang karlak ih um mi Timit lilawn cu saklam laitlang doawknak boruak sosang lai ah ralhraang ralkap pawl ram nor thei hlah hai seh ti`n mipi ralkap pawl in sianglo cingten an puah siat mi lilawn a si.

Kalay ihsin Laitlanglam kaisotu ralhraang ralkap pawl in lamtluan ah Falam pengmi mipahnih an that tiah theih a si.

CNA/CDF in Bomb hmangin Timit Lilawn puah siat

Leave a Reply

Your email address will not be published. Required fields are marked *