Ralhraang ralkap in Tuṭum Falam peng Inn an Urkaang mi cipciar

July 7 in Falam ihsin Hakha lam pantu ralhraang ralkap in lamzintluan ah inn an urkaang phah vivo ih July 10 tiangah khua dangdang ah inn tampi an urkaang.

Lamzintluan ah Chin ralkap thawn doaw phah vivo in July 9 ah Ṭaal khua inn 29 an urkaang tiah Chin National Organization in July 10 ah thu a suah.

Ṭaal khua ah innkhi 36 um in, kan dung kum lam ah ralhraang ralkap in an rak urkaang zo ih, tuṭum ah an urkaang bet hnu ah a tang mi inn 5 pawl khal an boh ih innsung thilri an fir tiah CNO cun thusuahmi a tarlang.

July 10 khalah Tlangzar khua urkaang betin zaanlam khuathim tiangah inn 6 a kaang.

Falam-Hakha ziinpi doawknak ah ralhraang ralkap an tuar na ih inn tampi an urkaang hlei ah Thlanrawn biakinn le inn pakhat ralthuamtum thawn an kap siat.

Doawknak ah ralhraang ralkap thi an um thu theih a si nan ziangzat an thi ti cu felfaiin thuthannak an nei hrih lo.

Falam-Hakha ziinpi ralhraang ralkap do nakah CNDF, CDF, CNA le CJDC ralkap pawl an ṭangtlang tiah theih a si.

Leave a Reply

Your email address will not be published. Required fields are marked *