Ralhraang pawl in Thantlang an kaang termi thu ah Dr. Lian Hmung Sakhong annka

SAC ralhraang kut in Thantlang khuapi a kaangmi thu ah, “ralhraang pawl in Chin miphun Cii an mit rero a si” tiah Dr. Lian Hmung Sakhong in a ti.

Amahcun “Chinmi par ah SAC ralhraang in miphun ciimit kahdonak a tuah rero. Thantlang ih inn 100 luan an urkaang mi cu phunhnam ciimittum cangvaihnak a si. Mindat lam ih an cangvai dan khal cumivek thotho a si. Chinram ih hivek cangvaihnak an nei mi cu Chin phunhnam ciimittum cangvaihnak a si” a ti.

Cuihtlunah SAC ralhraang in hivek cangvaihnak a nei mi cu ban san in mipi hnen ah ngaidam dil dingin le rampi ukhruai thuneihnak khal cozah dik hnen ah ap saal dingin Dr. Lian Hmung Sakhong cun a rel.

Ralhraang pawl cun September thlacem lam ah bomb hmangin Thantlang khuasung an kap ih inn 10 hnakih mal lo a kaang. Cuihṭum in khuami zate deuh thaw in Inn le Lo an suah san.

October 29 khalah ralhraang pawl in bomb meithal thawn Thantlang khuasung an kap bet ih Baikinn telin inn 160 luan a kaang tiah theih a si.

Leave a Reply

Your email address will not be published. Required fields are marked *