Ralhraang kut tuar Pu Tin Thang ih ruhro pawl khur sung ah an hmu

2021, December thlacem lam, SAC ralhraang pawl Hakhalay khua an lut lai ih that tuar Pu Tin Thang ih ruhro cu khawmi pawl in khur pakhat sungah an hmu tiah theih a si.

December 29 ah ralhraang SAC ralkap pawl in Kalay peng, Hakhalay khua an luhcilh ṭum ah kum 60mi Pu Tin Thang le a hringtu a nu Pi Thluai men (kum 80) an kap tiah tualsungum pawl cun an rel.

“Pu Tin Thang nu cu a kawng ah an kap ngah ih December 30 ah a nunnak a cem. Pu Tin Thang ih ruhro pawl cu tuini ah kan hmumi a si” tiah khawmi pakhat cun a rel.

Pu Tin Thang ih ruhro pawl cu thlacamnak neiin khawmi pawl in an vui zo tiah thei a si.

ICA ih thusuah mivek asile kan ram a buai hnu, SAC ralhraang kut tuar ih nunnak liamzotu kan Chinmi mipum 160 luan an um zo a si.

Siarbet : SAC Ralhraang kut tuar in Chinmi 160 luan nunnak liam zo

SAC Ralhraang kut tuar in Chinmi 160 luan nunnak liam zo

Leave a Reply

Your email address will not be published. Required fields are marked *