Ralhraang kut ah CDF-Zotung ralkap a thi

June 20 ih ralhraang kaihkhihtuar CDF-Zotung ralkap Paw Sung Fua cu ralhraang kut a thleng hnu ah a nunnak a cem tiah thieh a si.

Amah hi Rizua khua ah an kai ti a si ih June 21, zaanlam hnu ah ralhraang ralkap in a ruak lak dingin a sungte pawl an sim thei.

Ralhraang ralkap lam cun Thawnginn ah amahten a thlaiaw that ti`n a sungte an sim thei nan, ramsung thuthang ṭhenkhat cun ralhraang ralkap in an that hrim tiah an tarlang.

Zotung media ṭhenkhat khalin khawmi 2, Paw Sung Fua le CDF-Zotung ralkap pakhat ralhraang ralkap in an that tiah an tarlang ve.

Ralhraang ralkap in an kut sung ih mithi pawl cu thih san phuahlam awmang lo zetzet thawn an sungte pawl ruak lak dingin an sim thei ṭheu ruangah CDF-Zotung ralkap Paw Sung Fua thih thu khalah mipi lam in rinhlehnak an nei deuh a si.

Leave a Reply

Your email address will not be published. Required fields are marked *