Ralhraang pawl in a inn an phit sak thu ah Dr. Lian Hmung Sakhong in hitin a relsuak

Daan lo in Kawlram Ukhruai thuneihnak latu ralhraangbawi Min Aung Hlaing, ih milai pawl cun Hakha ih Dr. Lian Hmung Sakhong inn an phit sak tiah theih a si.

Innsangka ah ca an tar ih “rampi cozah thuneihnak thawn Dr. Lian Hmung Sakhong ih inn kan phit/la” tiah ca an ngan.

Amah Dr. Lian Hmung Sakhong khalin ralhraang pawl in Hakha ih a inn an lak sak thu a rel ih “Hakha ih ka inn cu Min Aung Hlaing le ho ralhraang pawlin in seal/phit/fir sak.”

“Miphun le ram hrangah kan ziangkim kan can thluh. Kan Inn le Lo cu in fir sak thei nan kan lungput ruahnak zeiza cu in fir/ṭhiat sak thei lo. Ṭih hlah uh si. Pathian kan hnen ah um camcin seh” a ti.

CNF ih Vice Chairman-2 ṭuanvonei Dr. Lian Hmung Sakhong cu NUG cozah hnuai ah Federal Union Affairs Minister dinhmun in mipi hrang hnaṭuan rerotu a si.

Leave a Reply

Your email address will not be published. Required fields are marked *