Ni 2 zon rorin rapthlak zetin Chinmi that tuar

Chinmi 2 cu December thla thok ah ralhraang SAC ralkap pawl ih kaihkhih tuarin rapthlak zetin that an tuar tiah kan thei.

Khuami rel dan le ramsung media ṭhenkhat tarlang dan ah Kum 24 mi Salai Lal Ro Mawi cu Lo a thlo lai, December 4 ah SAC ralkap pawl in an kai ti a si ih, an vaktawi nakah ralkham phaw ah an hmang hlei ah, Kalay peng, OoMeeHtoo khua an khaang nakah ralhraang pawl in an ur tel cih.

Aruak tangsun cu tuini December 7 ah CDF – KKG hohanak thawn an phur suak ih Chiristian daan vekin thlamual ah an vuiliam tiah theih a si.

Ralhraang SAC ralkap kut tuar in Chin pacangṭha nunnak liam

Chaunggwa khua ih um U Ngun Nei Thang khal cu December 5 ah ralhraang pawl in an ur that tiah a ruak phurtu CNDF in a tarlang.

U Ngun Nei Thang thih thu thawn pehpar in CNDF thusuahmi ah “Chaunggwa khua ih um U Ngun Nei Thang cu Myittha tipi nisuahnaklam ih a Duum ah SAC ralhraang pawl in an kai ih, OoMeeHtoo khua ah hruaiin innsung ah hri thawn an ṭawn hnu ah rapthlak zetin innpi thawn an urkaang cih.”

“Rapthlak zetih that tuar U Ngun Nei Thang ih ruak cu CNDF, Vakok tatyin ih ralkap pawl in an va phur ih December 5 zaanlam ah Christian Daan vekin an vuiliam” tiah an ngan a si.

Leave a Reply

Your email address will not be published. Required fields are marked *