Naam sau pai Misual pawl in Central Chin Pawlpi, Kalay zung an boh

Chin mipi hrang thei tawk suahin hnaṭuan rerotu Central Chin Pawlpi ih Kalay zungpi cu zo an si ti theih lo mi misual pawl in March 29 zaan ah an boh.

Kalaymyo, Taungzalat vengih CCP zungpi cu naamsau keng misual rual in an boh ih 125 mawṭaw cycle 2 an fir tiah theih a si.

CCTV zuk ngahmi mawṭaw cycle an fir lai zuknungtawi cu online ah thlah darh a si ih “Chin Pawlpi Bike an ruk lai video a si. Rukru hi mipi ṭang khawm in kan kai lohli lo a si len mipi in kan tuar vivo thei. Ṭan kan lak khawm a ṭul” tiah video thlah tu cun a tarlang ih pehtlaih nakding phone number a ngan tel cih.

Tualsungum mipakhat cun “Thir cehnak kaihcii tumpi le naamsau an keng ih mawṭaw cycle 2 an fir. Tutiang cu thilfirtu an kai ngah hrih lo. Kai ngah thei zang sehla a duh um” tiah a ti.

Kan ram a buai hnu in Kalaymyo ah thil hlo a tam luar hlei ah kiangkap sehvelah riit theih sii hmangtu hmuh ding an tam.

CCP mawṭaw cycle an fir mi thu thawn pehparin ṭuanvo neitu pawl in palik zungah an report maw timi cu thuhla felfai kan thei hrih lo.

Leave a Reply

Your email address will not be published. Required fields are marked *