Mizoram ah Pacangno Falam Palik CDMer a thi

Chin ramkulh, Falam khawsung palik sakhaan ihsin CDM tuahtu Salai Lal Biak Thang, kum 28, cu tuni May 30 ah Mizoram ah a nunnak a cem tiah thuthang theih a si.

Falam palik Lal Biak Thang cu kan dung kum, kum thok lam ah CDM lutin, a nufa thawn Mizoram, Champhai ah inn hlangin khawsa an si.

A thih dan hi felfaiin theih a si lo ih, a rualpi į¹­henkhat cun tuizing ah a luak ciamco lai a innhnen pawl in an hmu tiah an sim.

Salai Lal Biak Thang in fanu thla 6mi le innsangnu a tanta ih, a ruak cu thaisun May 31 ah an vui tum tiah ramsung hrambun media pawl ah tarlang a si.

Mizoram, Champhai khua ah Chinmi raltlan an tamzet ih, harsat beidong ah mah le mah thlai that aw khal an um zo a si.

Leave a Reply

Your email address will not be published. Required fields are marked *