Mizoram ah Mi inn bohtu Chin raltlan an kai

Mizoram, Aizawl peng, Sihhmui khua ih khawsa Kawlram raltlan Gabriel Muana, kum 25, cu mi inn boh in thil a fir tum tiah puh a si ih Mizo palik in an kai.

Amah hi Aizawl khawleng, Sihhmui raltlan camp ih khawsa si in tarlang a si ih, a pa hmin cu Hlahbu a si tiah Mizoram palik in official in thu an suah. Myanmar raltlan tilawngin tarlang a si ih khawi khua a si ti cu an tarlang tel lo.

July 11 zaanṭim ah Sihhmui khua ih inn pakhat ah lut tum in an inn sangkapi tawh a boh ti`n thusuahmi ah an ngan tel.

Ziangtin an kai ngah, report awknak a um le um lo tivek cu palik lam in thu felfai an suah hrih lo ih a thuhla zirzoi pehzom vivo an tum a si.

July 14 – Mizo Palik Official Thusuah

English : One Myanmarese national Gabriel Muana (25) s/o Hlahbu presently staying at the Camp for displaced persons in Sihhmui, arrested for attempt to burglary in a residential house in Sihhmui by breaking the lock of main door, in the intervening night of 11th-12th July while inmates were asleep. Further investigation is on to ascertain his other involvements.
Mizo : Ni 11 leh 12 July zanlai muttui lai tak khan Myanmar mi Gabriel Muana (25) s/o Hlahbu tuna Sihhmuia raltlan ho dahnaa cheng mek chuan Sihhmuia mi chenna in rawk tumin kawng khar kalhna a tichhia a, amah hi thil danga inhnamhnawihna a neih leh neih loh chhui chian mek a ni.

Aizawl ih Chin raltlan upa pakhat cun “Riit sii le thil ṭha lo an kai mi an um hnihthum zo bet ah, atu ah hivek buainak a um lala cu inn teek pawl hmasong an um zet. Kan hmakhua a pit ding phan a um zet” tiah a ti.

Kan rampi a buai hnu ah Kawlram raltlan tamzet cu Mizoram ah beunak hawlin an khawsa ih, zangfah lainatnak thawn in khual ṭhatu innteek mitkem dingin hivek duhumlo buainak a suak cu Kawlrammi mah le mah lamzin kan phitaw tinak a si.

Leave a Reply

Your email address will not be published. Required fields are marked *