Mindat-Matupi ziinpi doawknak ah Ralhraang SAC ralkap 8 an thi

April 20, Mindat-Matupi karlak ah SAC ralkap le CDF-Matupi an kapaw ih rank sang ralbawi telin ralhrang rakap 8 an thi tiah theih a si.

Doawknak tawthok dan cu Matupi hrambun ခမရ 304 SAC ralkap in hmunram thianfai phuahlam thawn CDF-Matupi hmunram ah an lut ruangah doawknak a suak tiah an sim.

“Mizaanzing ah a si. Khawsung hrambun ခမရ 304 SAC ralkap le kan ralkap pawl nazikhuai hrawng an kap aw. CDF lam ah hriamtuar umloten dung an siip sal thei ih, khatlam ah ranksang ralbawi pakhat telin ralhraang 8 an thi ih hriamtuar 5 hrawng an um” tiah CDF-Matupi ṭuanvonei mipakhat cun doawknak thu a relfiang.

Doawknak a suak hnu ah ralhraang thazaangthar 100 hrawng an cah bet tiah theih a si.

April 20 zing ih kahdonak a suak hnu ah doawknak a um bet hran hrih lo nan SAC ralhraang in phone line pawl an phit thluh ruangah a rei hlan ah doawknak nasa nawn a suak ding zum a um.

Leave a Reply

Your email address will not be published. Required fields are marked *