Mihlo an hawl reromi cu Ralkap siizung ah a ruak an hmu

Kalaymyo ih mihlo an hawl reromi Salai Lian Khaw Siam cu a hlohnak nithum rei hnu ah ralhraang siizung ah a ruak an hmu tiah theih a si.

Kum 23mi Salai Lian Khaw Siam cu April 8 zaanlam nazi 5 hrawngah sii lei dingin leng a suak ih tlun ti a neih lo ruangah mihlo dinhmun in an phuang ih, April 10 ah ralkap siizung ah a ruak an hmu a si.

Mihlo hawlnak ih telvetu mipakhat cun “theih thiam lo ding khawpin a taksa a durhdawm.”

“A ke ah meithal kahnak hriamhma a um ih a hmai le a taksa ruangpi cu vukvelhnak ruangih durhdawm thluh vekin a rak um. Atufang Kalay boruak thawn, a hloh pek ihsin a sungte pawl in an seherh zet” tiah a ti.

Salai Lian Khaw Siam cu Tedim peng, Se Zan khuami a si ih Kalaymyo a thlennak thla 2 ṭha fang a si.
Lairawn ah mawhnak neilo ralhraang kut tuar Chinmi an tam zet zo a si.