Matupi ah Datsii palang keng phah in nauhak pakhat a thi

Chin ramkulh, Matupi ah phun 6 kai lai, kum 12 mi nauhak pakhat cu itkhun par ah puan sin in thi cia in a ruak an hmu.

June 5, zarhpini ah a si ih, a nu le an khawm sungah inn ah amahlawng a rak um ih, a nu le pawl inn an thleng sal ah thi cia in a ruak an hmu tiah khawmi pawl in an sim.

Amah hi zarhpizing Sunday School khal a kai ta ti a si ih, a nu le pawl sun khawm an ṭheh hnu, inn an thleng sal ah puan sungah Datsii palang keng phahin a ruak an hmu mi a si.

Nauhakte cu tuhlan ihsin Datsii rim a ngai na zet ti a si ih, ziangtin a thi ti cu thei ciang a si lo nan tidai bur sungih Datsii thunmi palang a keng ruangah Datsii a in ruang khalah a thi mi a si thei.

Lole Datsii rim a hnim tamtuk ruangah a thi mi khal a si thei tiah zum a si ih, a ruak cu tuni June 6 ah an vuiliam tiah Zalen thuthang in a ngan.

Leave a Reply

Your email address will not be published. Required fields are marked *