Lairal Tlangtluan ah Thantlang ralkian pawl an beu

Thantlang peng doawknak ruangah khuami ṭhenkhat cu Inn le Lo suahsan in Falam peng, Lairal tlangtluan ah beu nak an hawl tiah theih a si.

Lairal tlangtluan ih khuami pakhat cun “Thantlang peng khua 4 ihsin kan hnen ah ralkian in an ra beu. Athok ahcun a ciikpaak in kan tlangtluan khua pawl ah an ra nan an tam vivo tikah India ramri ih khua pakhat ah hmunkhat in an um khawm” tiah CH hnen ah a sim.

Thantlang peng ih ralkian pawl cu Thinghual, Tibual, Tlangkhua le Tikhuangtum khuami pawl an si ih, atuah India ramri khua pakhat an um khawm tiah theih a si.

“Inn lawng le biak inn tvk ah umhmun kan khuar sak ih ei-in hrang khal thei tawk suahin kan ṭanpi. Kiangkap khua pawl khalin an ṭanpi ve” tiah Khuami pakhat cun a sim.

Thantlang peng, Khualhring tlangtluan ah June 10 in SAC ralhraang le PDF an kapaw ih doawknak ah ralbawi telin SAC ralhraang 17 kah that an si thu, CDF Thantlang in theihternak ca an suah a si.

Leave a Reply

Your email address will not be published. Required fields are marked *