CNDF telin hriamkaibu ṭangrual pawl le SAC ralhraang nasaten kapaw saal

Ralhraang SAC ralkap pawl in PDF Kalay tatyin 3 ṭhenṭhek sakhaan an siim hnu in Kalay-Chin ramri ah kahawknak nasaten a suak ih November 16 ah sunnihlawh deuh thaw an doaw zo.

Tuini, November 17 khalah CNDF, Kalay-PDF le CDF (KKG) ṭangrual in zing nazi 8 hrawngin SAC ralhraang an do tiah theih a si.

“Mizaan sun ah SAC ralkap pawl in PDF Kalay tatyin 3 an siim ih nunau telin mi 10 hrawng an kai. Cumi thu thawn pehpar in tuni ah an doaw saal” tiah khuami pakhat in a rel.

Siarcih : CNDF, PDF Kalay le ralhraang SAC ralkap doawknak ah mithi 20 luan um

CNDF, PDF Kalay le ralhraang SAC ralkap doawknak ah mithi 20 luan um

Ramsung media ṭhenkhat ih tarlang mivek a si le mizaan sun ih kaihtuar pawl thlah saal dingin PDF/CDF lam in dilngennak an nei ih ralhraang SAC ralkap pawl cu lamziin an rak kham ti a si.

Mizaansun doawknak ah ralhraang SAC ralkap 20 lenglo an thi thu, CNO in thusuahnak an nei zo ih tuisun boruak cu cipciar in theih a si hrih lo.

Leave a Reply

Your email address will not be published. Required fields are marked *