Kalaymyo ah Oxygen khawpkham a um lo nak san cu hitin a rak si ziar

Kalaymyo ih Covid 19 mina pawl hrang Oxygen khawpkham a um lo nak san cu kawhhran ṭhenkhat le bulpak neinung deuh pawl in hamṭam lungput an nei ruangah a si tiah KCTC ṭuanvonei Pu San Thawm Thang in a rel.

“Tulai Kalaymyo ah Covid mina hrang Oxygen kan daih awk lo nak pakhat cu kawhhran ṭhenkhat le bulpak neinung ti aw deuh pawl in ralrin nakah ti`n Oxygen tamtuk an la ṭhen”.

“Midamlo innsang` pawl in vansang mangbang in an dil hman ah an mai kawhhran lo cu an pe siang lo. Himihi ruah ṭhat a ṭul nasa. Hitivek ih hamṭam tukin kan um ruangah damlo mangbang in an ṭul mi zat Oxygen an ngah lo phah a si.”

“Mipi zawnruat in ramleng lam tiangin hitiih nasaten an neih sin lo tiang in ṭanpi laiah zo khal a nih sawn ti thinlung nei in kan um a ṭul. Curuangah himihi ṭhaten ruat uh si law” tiah Kalay Christian Thlanmual Committee hotu Pu San Thawm Thang in a ti.

Kalaymyo ah Covid 19 suarthumnak a lut hnu in nitin rorin Covid mithi 10 tal an um ṭheu ih cupawl lakah Oxygen khawpkhamlo ruangih a thi mi mipakhat tal an tel ringring tiah theih a si.

Leave a Reply

Your email address will not be published. Required fields are marked *