January thlasung Falam peng doawknak ah ralhraang SAC ralkap 80 luan thi

Falam peng ih thla 1 sung doawknak thuthang cu CNO in February 3 ah cipciar in mipi an sim thei ih, January thla sung lawngah CNDF le SAC ralhraang voi 12 an kapaw tiah theih a si.

Hmunram nortu SAC ralhraang thazang 300 hrawng nor kir saal tumin CNDF le ralhraang SAC ralkap cu January 6 ah an kapaw.

Webula kiangah hmunram nortu SAC ralhraang le CNDF ralkap pawl an kapaw thok tiah theih a si ih, doawk pehzom vivoin January thla sung doawknak ah ralhraang SAC ralkap 81 an thi thu le hriam tuar amalbik 60 luan an um thu, CNO cun thu a sauh.

CNO thusuah ahcun doawknak kiangkap hmun 8 hrawngah ralhraang ruak a pung in hmuh a si hlei le CNDF in 60 mm le 40 mm Zian tamzet an la ngah thu an ngan tel.

2022, January thlasung ah hmunram thianfai lai ih hriam tuar pakhat telin CNDF lam ah hriam tuar 8 an um thu le Doawknak ah mipakhat nunnak a liam thu theih a si.

Leave a Reply

Your email address will not be published. Required fields are marked *