Hakha khuasung doawknak ah SAC ralhraang tuar na

Tuini, November 9 zinglam nazi 6 hrawng ih Hakha khuasung doawknak ah SAC ralhraang 7 (palik) an thi tiah theih a si.

Hakha GTI kiang ih umhmun khuartu SAC palik pawl cu CNA le CDF rualin an va do ih kahdonak ah palik 7 an thi tiah CNF ṭuanvonei Salai Htet Ni in a ti.

Amahcun “Mi 7 an thi. Anmah hi tubaite Falam ihsin a rami SAC ralhraang pawl lakih telvetu palik an si. Zinglam nazi 6 hrawngih hmai an phiah lai ah CDF le CNA rualin kan kap hai” tiah Salai Htet Ni in People’s Spring hnen ah a sim.

Salai Htet Ni cun “kan kap ṭheh veten dung kan siip cih. Kan nih lam ah hriamtuar le khawngaw kan um lo” ti`n a sim bet hrih.

Kan dung zarh lam khalah CNF le CDF in hmun 2 rori ah ralhraang pawl an kap ih cuih ṭum ah SAC ralhraang 11 hrawng an thi tiah theih a si.

Leave a Reply

Your email address will not be published. Required fields are marked *