Guwahati ih kan Chin mi Mipum 26 kaih an tuar dan

Delhi ah biaknaklam programme (Bible Tlawng) kan kai tum tiawtu Chin mi mipum 26 cu Aadhar cards (id) lem an hmang mi hnungzul in Guwahati palik in an kai ngah tiah ramkulh hrambun media in a tarlang.

“Mizoram, Aizawl ihsin mawṭaw thawn ra mi an si ih Chin state hmun dangdang ih um mi an si. Mizoram address hmang mi Aadhar cards Lem telin voter id le fimzirnak lam certificate khal kan kai tel cih. Aadhar cards Lem in` kan ram ah daan lo ih luttu a ti lang lala” tiah Guwahati, Paltan Bazaar ih palik ṭuanvonei pakhat cun nenow media hnen ah a sim.

Nunau 10 telin Chin mi mipum 26 cu an thlen nak Guwahati, Rehabari veng, Muana Run riahbuuk ah Guwahati palik in September 12 ah an kai mi a si ih daan lo ih India ramsung lut ti`n siseh, Document lem thawn pehpar in cozah lam in thubuai an tuah sak tum tiah theih a si.

Guwahati ih Chin mi kaih tuar thu thawn pehpar in CHRO ih ṭuanvonei mipakhat cun ralkian dinhmun in kawlram suahsantu an si thei thu a rel ih “kaih an tuar ti kan thei veten bawm thei dan ding tawlrel in cangvainak kan nei rero” a ti.

Hminsin**An hmel lang ṭhiṭha lomi a si tikah a him ko tiah kan ruat ruangah video kan telh cih mi a si. (An hmel lang video darh mi khal a um zo)

Leave a Reply

Your email address will not be published. Required fields are marked *