Falam – SAC ralhraang kut tuar in mipakhat nunnak liam, Hriamtuar amalbik 2 an um

Falam, Lungpi veng, AG pastor ih innsangnu Pi Ngeih Tling (kum 60) cu SAC ralhraang kut tuar in August 10 sunlai ah a nunnak a cem.

Falam, Lungpi veng ah August 9 zinglam nazi 8 hrawngin ralhraang pawl in catbang loin bomb le meithal phunphun an kap ih zaan thim hnu khalah ခလရ (၂၆၈) lam in meithal tum thawn nasaten an kap tiah CNO in a tarlang.

August 10 khalah Falam-Hakha ziintluan ah SAC ralhraang an cangvai nasa ih lamziin feh men le inn ih um men, an kut tuar ruangih nunnak cem 1, hliam tuar amalbik 2 an um tiah thieh a si.

“Falam Siikhaan ih piahawmi naupai pakhat a kawng ah an kap. Mawṭaw cycle thawn Thlanrawn khua lam pan in an kir lai ah ralhraang pawl in an rak kap ih a pasal an kai.”

“Lungpi veng khalah kum upa lam mipakhat an kap that. Zalai veng ih um pitar pakhat khal, meithal thawm ṭih ah inn hnuai ih a relh lai an kap ih a nunnak hrang tiang phansakding um khawp in hriam a tuar. Cumi thuhla cu Chin National Organization in official in an suah mi a si” tiah khuami pakhat in a rel.

Falam kiangkap ih khuate ṭhenkhat ah ralhraang kaih tuar 2-3 an um ruangah le Falam-Hakha/Rih ziin pawl ah SAC ralhraang in mi an bawh thup ruangah ralring cio dingin CNO in mipi theihternak a nei a si.

Leave a Reply

Your email address will not be published. Required fields are marked *