Falam le Dokṭhek karlak doawknak ah Ralhraang SAC ralkap 60 hrawng thi – CNO/CNDF

CNO/CNDF in Falam-Hakha ziinpi ih hriamkaiṭangrual pawl thawn SAC ralhraang an do thu pawl an suah ih ni 4 sungah ralhraang SAC ralkap 60 hrawng an thi tiah an tarlang.

“Ei-in phur ralhraang mawṭaw 22 le Raldonak tank 2 cu mipi humhimtu hriamkaibu pawl a simi CNDF, CNA le CDF pawl ṭang tlangin February 28 ni ah Falam, Lungrang veng le Ṭaal khua lakah Mine dir in an do ih Ralhrang SAC lam ihsin mi 11 hrawng an thi” taih CNO/CNDF in thu a suah.

March 2 khalah hriamkaiṭangrual pawl in Falam peng, Ṭaal le Tlangzar karlak ah bomb thangkam in an rak do bet ih cumi ah ralhraang 30 hrawng an thi.

Falam peng, Ramthlo le Dokṭhek khualak khalah March 3 ah bomb an dir betih ralhraang 20 hrawng an thi tiah CNO/CNDF cun March 4 ah thu an suah.

Falam-Hakha ziintluan doawknak ah CNDF ralkap sungin besia tuklo hriam tuar pakhat a um ih, ral an kahpi CNA ralkap ah paralṭha 3 in ram le miphun hrangah nunnak an hlan tiah theih a si.

Hih boruak ah CNDF ralkap pakhat cu lamziin ah kaitahrat in ralhraang SAC ralkap pawl in rapthlak zetin an that tiah kan thei.

Leave a Reply

Your email address will not be published. Required fields are marked *