Falam cu Fangfai phur ding men khalah siannak caken lak a ṭul thlang

Ramkulh le peng ṭhen dang cu tanta hrih in Falam peng lawng hman ah ralhraang ukhruinak hnui ih kan zalen lo zia le san man rello, dung ah kan tolh sal ti a lang fiang zet.

Atu ah Falam khuasung ah Fang dawr pawl ih cahmi siarlo, Fangfai phur dang pawl cun SAC ralhraang kut hnaui ih um GAD zungah Fang phur siannak caken lak a ṭul thlang tiah theih a si.

Kan dung baite khalah Kalaymyo ihsin Lairaal tlangtluan khua pawl le Chuncung khua hrang Fangfai phurtu mawṭaw 3 cu Fang phur siannak caken an nei lo ti`n Falam khuasung ah an rak kham.

Zarhkhat fai an awkkai hnu, July 2 ah feh sian an si sal nan, cukhalcu Falam CDM Supporters, CRCDF le acozahzung țuanvo neitu pawl ih bawmnak thawn fehsiannak an ngah hramhram mi a si.

June 24 ih feh kham mi Fang phur mawṭaw thawn pehparnak neitu mipakhat cun “khualtlawn pehzom theih loin vansang thinpit ih kan um lai ah in tawlrel bawmtu Falam CDM Supporters, CRCDF țuanvo neitu pawl, acozah zung țuanvo neitu pawl le thlacam in bawmtu zate hnen ah lungawi thu kan sim” tiah a facebook cahmai ah a tarlang a si.

Leave a Reply

Your email address will not be published. Required fields are marked *