Falam, Taal khua kiang ah miruak pakhat an sar

Atufang SAC ralhraang suksonak Falam peng Taal le Tlangzar khua karlak ah khawmi pawl in tuni March 1 ah mithiruak pakhat an sar tiah theih a si.

Tualsungum khawmi pawl rel dan ah amah hi Kawlrawn ihsin ra kai so, Hakha lam pantu ralhraang SAC ralkap pawl in ziinpi ah kai ta hrat in an hruai mi a si tiah an rel.

“Ataksa um dan ah zaankhat hrawng tal a rei zo ding a bang. Amit a kuai ih a hngawng ah naam hlep neh a um. Kum 20-25 hrawng ding a bang. Zo a si ti kan thei hrih lo” tiah a ruak hmutu khawmi pakhat cun a rel.

Kandungkum 2021, October thlacem lam khalah Lungpi veng lamzin thlanglam pi 10′ hrawng hlatnak hrambur lakah mithiruak pakhat an sar.

Cuih ṭum khal, Kawlrawn ihsin Laitlanglam hung kaisotu SAC ralhraang suksonak lampi kiangah an hmu mi a si ih, a ruak cu sungkhat unau pawl in zobik a si ti an theih saal tikah a ruh-ro pawl țhawn saal thei dingin pengțhuam 144 KM kiangah an phum a si.

Tuṭum, Kawlrawn ihsin Laitlanglam ra kaisotu SAC ralhraang pawl cu atu ah Falam-Hakha karlak ah an um lai ih, lamtluan ah hriamkai ṭangrual pawl in an rak kap phahphah tiah kan thei.

Leave a Reply

Your email address will not be published. Required fields are marked *