Falam Siizung ih um Covid mina pakhat a thi (June 13)

Falam peng cu a nini in Covid mina an pung vivo hlei ah June thlasung lawngah Covid nat thawn a thimi mipum 3 an um zo.

Mina pakhat cu tuni June 13 ah a thi tiah theih a si ih, tualsungum mipakhat cun “zaanlam nazi 4 hrawng ah a thi. Amah hi Locom khuami a si an ti. A thi veten Cinmual thlan ah phum dingin an tawlrel cih” tiah FOM a sim.

Falam peng ah May thlacem lam in Covid mina thar an hmu thok sal ih May 19 ihsin mizaan June 12 tiangah Covid nat nei 174 an hmu zo.

June 1 ihsin a pehpeh in ni 12 sung Covid nat nei thar an hmu ih June 1 ah mi 7, June 2 ah mi 4, June 3 ah mi 3, June 4 ah 8, June 5 ah 1, June 6 ah 2, June 7 ah 2, June 8 ah 4, June 9 ah 2, June 10 ah 8, June 11 ah 1 le June 12 ah 7 ti`n June thlasung lawngah Covid mina 52 an hmu zo.

Penghuap in Covid mina 174 an hmumi sungah mipahnih cu June 12 ah thi in a pathumnak Covid mina cu tusun June 13 ah a thi bet mi a si.

Leave a Reply

Your email address will not be published. Required fields are marked *