Falam Siipin le FCMF in mipi thlun dingmi daan thar an suah

Falam khuasung dawr pawl cu 16.8.2021 ihsin thok, zinglam in sun nazi 12 tiang on sian a si nan Covid 19 nat nak thawn dam saal zotu le Covid dokhamsii dawt zo pawl lawng on sian an si tiah Falam Siipin in thuthannak a nei a si.

Cumi ah Covid dokhamsii dawt zo timi caken hmuh thei tu pawl lawng dawr on sian an si ding tiah mipi theihternak an nei ih, Dawr ong duh le covid 19 Dokhamsii dawt duh pawl cu 16.8.2021(mon day) zing nazi 9 in cheery Hall (Nurse- inn pi) ah sii dawt theih a si ti`n Falam Siipin FB cahmai ah an tarlang a si.

FCMF khalin Covid – 19 dokhamnak hrang thlangthannak a nei

Falam Christian Minister Fellowship hohanak thawn June 23 ihsin August 15 tiang, ni 54 sung Covid 19 dokham hmalaknak “stay at home” nei fel a si zo ih, Pulhnat lak ihsin kan khua kan ram him sin thei dingah August 16 ihsin 31 tiang FCMF thusuah thlun hrih dingin FCMF cun mipi hnen ah dilngennak a nei ve a si.

FCMF ih thusuah cu …

1. Covid -19 nat suan awklo dingah mah le inn ciar ih umding, hmaihup bunlo in innhnen khal lengawk hrimhrim lo ding, innsang nauhak khal midang nauhak thawn lektlang, um tlang lo ding.

2. Dawr thil lei le ṭulsamnak a um tikah Innsang pakhat in mi pakhat lawng hmaihup bun in a ṭulnak ah kuthruk bun ih midang thawn hlatawk (pee 6) theibik zuamin suakvak ding. Innsang ah Covid 19 vaccine dawtcia silole Covid 19 in a damcia an um a si le a cangtheibik in an mah lengsuaktu ah hmangding.

3. Hanghnah hangrah, sa, ei-in dang, le dawr dang pawl cu zing ihsin sundir tianglawng onghrih ding. Thilri dawr pawl cu hridai thawn sangka kham ih inn sung-leng in lei aw ding.

4. Rawldawr, lakphak dawr tvk cu a fun in zuar/lei aw hrih ding, a zuartu le a leitu kaphnih in hmaihup le kuthruh bun tengteng ding.

5. Ei-in le dawr thil zuartu pawl cu Covid 19 nat ihsin a damzomi, silole vaccine a dawtzotu, silole Covid 19 test zo ih a dammi an si ding.

6. Abur ih hnaṭuan hmun (company hnaṭuan tel in) pawl ah hmaihup bun tengteng ih a cang theibik in hlatawk ding. Covid 19 test ih a dammi lawng in lengsuak hna ṭuan ding.

7. Himi ritekmi ni (August 16-31) sungah mithi (Covid nat silomi tel in) neih pang a si le sun a si ahcun a rang thei bik in le thlahtu mipum a mal thei bik in vui cih ding, Zaan ih thi a si le siizung mithi retnak ah ret cih in a thaizing ah vui cih ding.

8. Lehpannak hmun hmuahhmuah khat thluh hrih ding…. tipawl an si.

Leave a Reply

Your email address will not be published. Required fields are marked *