Falam peng, Tlangzar doawknak ah Chin ralkap 9 rori nunnak liam

Tuni, May 5, Tlangzar khua kiang doawknak ah Chin ralkap paralṭha 9 rori`n ram le miphun hrang nunnak an hlan tiah theih a si.

Doawknak ih nunnak liam Chin ralkap pawl cu Chin National Army ihsin ralkap 6, Chinland Defense Forces ihsin ralkap 3 tipawl an si ih, “Chindwin News Agency” in Chin ralkap 9 an thi thu nemhnget a si zo ti`n a tarlang.

Cuhleiah Ralhraang SAC ralkap in Chin ralkap pawl an kulh thluh zo tikhalin “Chindwin News Agency” cun a tarlang.

Tutiangih thuthang theihcin ah doawknak ih nunnak liam Chin ralkap pawl cu ….

1. CNA Salai Tluang Hup Lian (senkhat)
2. CNA Salai Van Biak (bohnih)
3. Thawng Tha Peng (CDF)
4. Salai Tha Hlei Sang (CDF)
5. Salai Dawt Tha Cung (CDF) tipawl an si ih thuthang umdan zirin kan tarlang vivo tum ding.

Ralhraang ralkap hi thazaang 100 hrawng an si ding tiah ruah a si ih Hakha-Falam zinpi ah Chin ralkap thawn an do aw.

Ralhraang SAC ralkap pawl Hakha ihsin Falam pan ih an poksuak hnu, ni 4 sung rori Chin ralkap thawn an doaw zo ih ralhraang lam khalah thi le hriamtuar an tam ding tiah ruah a si.

Ralhraang lakah Thawngtlak pawl an phur tel ti`n thuthang a um ih, Thawngtlak phurnak telin mawṭawtlar 20 hrawngah raldo mawṭaw 2 a tel ti`n thuthang kan thei.

Leave a Reply

Your email address will not be published. Required fields are marked *