Falam peng, Rih zin bomb puak ah mipakhat hriam tuar

Falam peng, Rih zin ramlak ah zo bomb kam mi a si ti theih lo mi bomb an pah puak ngah ruangah mipakhat in a kut le ke ah hriam a tuar.

Bomb puaknak naivai ah mipahnih an um nan pakhat lawngin hriam a tuar tiah theih a si ih a rualnu pakhat cu nikhua thei loin a um lawk nan a harh saal zo tiah theih a si.

Falam, ralkap umnak ခလရ 268 thawn a nai phah ruangah ralkap pawl kammi maw mipi ralkap pawl kammi a si ti cu theih fiang a si lo.

Bomb an pah puak thu ah CNDF spokesperson Cung Ngai cun “tuni Rih zin ah mi pahnih an vaknak ah bomb an pah ngah. Pakhat cu a hliam lo. Pakhat sawn cu a kehlam ke le a kut a hliam.”

“Bomb hi mipi ralkap lam kammi maw, ခလရ(၂၆၈) thawn anai phah tikah uico kammi ti a fiang hrih lo” ti`n a tarlang ih “tuvek boruak ahcu zozo khal hramlak vaktawi hi hrial thei sehla a tha” tiah a ti.

Edit : Hriam tuar mino cu a Kut le Ke an tan ṭul ding tiah thuthang a um a si.

Kan dung March thla thok hrawng, Falam-Hakha zinpi boruak sosang lai khalah Ramthlo Baptist Church Pastor Aung Shwe in Lo a feh nakah leiphum bomb a pal puak ngah ruangah a Kehlam Kemit hrawngin a bul.

Falam-Hakha zinpi ah ralhraang SAC ralkap le hriamkai ṭangrual pawl an doaw hnu, boruak a dai deuh hnu ih vanduainak a tongmi a si ih bomb kammi cu ralhraang kammi maw, mipi ralkap pawl kammi a si ti cu felfaiin theih a si lo ti`n thuthang kan thei.

Leave a Reply

Your email address will not be published. Required fields are marked *