Falam peng ih SAC ralhraang cangvaihdan thu ah CNO/CNDF thusuah
March 2 ih Dokṭhek inn 19 an urkaang thu ah siseh, Ramthlo Baptist Pastor bomb pal ngah thu le March 6, Laimual inn 1 a kaang mi le zaanṭim ih Tlanglo veng inn 3 a kaang mi thu thawn pehpar in CNO/CNDF in a hnuailam bangtukin March 7 ah thu an suah a si.
FALAM PENG SUNGAH RALHRANG PAWL IN NUNRAWNG ZETIH
AN CANGVAIHNAK PARIH THUSUAH
Date: March 7, 2022
Chin Ramkulh, Falam peng, Dokṭhek khua ah SAC Ralhrang pawlin March 2 ni ah Inn (19) an urkang ih Inn (5) cu Hriamhreipi in a ngah ih an siat a si.
March (6) khalah Falam peng, Laimual khua ih inn (1) le Falam khua sung, Tlanglo veng ih inn (3) cu sualral takin an ur kang a si.
Cui’ hleiah, March (5) ni zinglam ah Falam peng, Ramthlo Baptist Pastor U Aung Shwe cu Lo a fehnak ziin ah Ralhrang pawl kammi leisung phummi mine a pal puak ngah pangih a kehlam kemit hnuailam a bul cih ruangah kan riahsiatpi zet a si.
Atu vekin SAC ralhrang pawl ih nunrawng takih an tuahmi parah Chin National Organization (CNO) in nasa takin kan demih ralhrang uknak cem dingin CNO/CNDF in kan do let peh vivo ding a si thu kan suah a si.
Department of Information and Public Relations
Chin National Organization
Siarbet : Na theih ṭul mi Falam Innkaang thu
