Falam peng huap mipi in kan theih tengteng ṭul mi Thuhlapi

Atufang Falam peng boruak cu sosang zetin a lang ih khuasung neihhnai ah SAC ralhraang cangvaihnak hmuh ding a um ruangah mipi lam ralring cio dingin le khuasung lutsuak tikah hnipuan dum hruh lo dingin Falam CDM Supporter in thuthannak an nei a si.

“Falam khawsung siseh khawleng kan suak ah siseh, khua lam in Falam kan ra pan ah siseh angki dum le bawngbi dum rong kan hruk hrimhrim lo a ṭul.”

“Falam in kan suak dingah siseh, kan lut dingah siseh kan tomi cycle ah maw, mawṭaw ah thantar (အလံ) rang rong tung seh la kan him bik ding a si. (Falam in kan suak/lut a sile Mask khal a dum rong bun lole a ṭha)” tiah Falam CDM Supporters cun penghuap mipi him thei nak ding ah thuthannak an nei ih “Falam khawsung um mipi khal zaan hnu cu ṭulhei poimawh um tuk lo ahcun suak lo lawlaw a ṭha a si” tiah an tarlang.

Thil dum rong hruk lo dingin le Thantar rang rong tung ding an ti nak san cu midang thawn palh lo nak dingah a si ih kan him thei nak dingah mipi lam in thlun tum cio uh si.

Leave a Reply

Your email address will not be published. Required fields are marked *