Falam peng doawknak ah Chin ralkap 2 in ram le miphun hrang nunnak an hlan

May 5, Falam peng, Tlangzar khua doawknak ah Chin ralkap paralṭha 2 in ram le miphun hrang nunnak an hlan.

Tuizing, May 5, Ralhraang SAC ralkap le Chin ralkap ṭangraul pawl doawk nakah CNA ihsin Salai Thawng Hup Lian le CDF Thantlang ihsin Salai Thawng Tha Peng pawl in ram le miphun hrang nunnak an hlan tiah kan thei.

Ralhraang ralkap lam khalah mithi an tam ding zum a si ih doawknak a suak hnu ah Tlangzar khua inn 10 lenglo ralhraang in an urkaang tiah an sim.

Paralṭha Salai Thawng Hup Lian le Salai Thawng Tha Peng

Ralhraang SAC ralkap hi May 2 ah Hakha ihsin Falam lam pan ih poksuak an si ih zintluan ah Chin ralkap pawl in an kap phah vivo.

May 4 Dokthek kiang doaw hnu khalah ralhraang ralkap in Ramthlo khua inn 10 lenglo an urkaang zo a si.

Tudinhmun ah Hakha-Falam zinpi boruak a sosang ruangah Lamtluan ih khawmi pawl ralring cio dingin thu an than a si.

Leave a Reply

Your email address will not be published. Required fields are marked *