Falam peng, Congṭhe khuami Mawṭaw mawngtu an that rualin mawṭaw thluntu mino pakhat an that bet

Lairawn boruak sosang lai ih that tuar Chin Cherry thilphur mawṭaw mawngtu rualin mawṭaw thluntu pacangno pakhat khal ralhraang SAC ralkap pawl in an that ve tiah kan thei.

Chin Cherry thilphur mawṭaw cu Kalay ihsin Falam lam a pan lai ah ralhraang SAC ralkap pawl in Sithar khua kiang ah an rak kai.

“Cuih hmun ah mawṭaw mawngtu an that ih meisa thawn an urkaang. Amah rualin mawṭaw thluntu an that bet” tiah tualsungum mipakhat cun thu a theih dan a relfiang.

Thuthang suak pek ahcun mawṭaw mawngtu lawng that tuar vekin an rel ih, mawṭaw thluntu pawl an hlo thluh ti`n thu a um.

Asinan, ချင်းချယ်ရီ ကလေး-ဖလမ်း ကုန်စည်ပို့ဆောင်ရေး FB cahmai cun unau vekih an ruahmi CungCung le CungNi in intansan tiah an tarlang ih “Cung2 le CungNi in Pathian ṭanghlum ah in colh san ruangah April 15 ihsin thok, zarhkhat hrawng Chin Cherry gate kan phit ding” tiah an tarlang.

Ralhraang SAC ralkap kut tuar Chin Cherry mawṭaw mawngtu cu Congṭhe khuami a si ih an pahnih in innsang fanau nei zo veve an si.

Leave a Reply

Your email address will not be published. Required fields are marked *