Falam peng ah CNDF le SAC ralhraang kapaw

2022 kum thok hrawngin Falam peng ih hmunram norsaaltu SAC ralhraang le hriamkai ṭangrual pawl nasaten an kapaw ih, boruak a sosang hnu, tuini January 10 tiangah ralhraang thi le hriamtuar an tam tiah theih a si.

Webulah peng ah January 6 ihsin ralhraang SAC ralkap pawl nasaten an cangvai tiah Chin National Organization in thu a suah ih “ralhraaang SAC ralkap cun khawmi pawl ralkham ah an hmang” tiah an tarlang.

Cutiih, hmunram nor in Falam peng ih cangvaitu SAC ralhraagrual cu CNDF in nasaten an rak do tiah Chin National Organization in thu an suah.

Thusuahmi ahcun “Ralhraang SAC ralkap in kan bomb kammi pawl an pal puak ih mithi le hriamtuar an tam thei. CNDF lam ahcun khawngaw le hriam tuar khal an um lo” tiah an tarlang a si.

Ralhraang pawl Falam peng an lut hnu ah khawmi 5 an kai tiah theih a si ih, cupawl lak ihsin mi 2 an luat zo nan, atanglai mi 3 pawl cu ralkham ah hmangin an hruai vivo tiah kan thei.

Leave a Reply

Your email address will not be published. Required fields are marked *