Falam : July 21 ih nat check pawl lakah Positive an um lo

May thlacem lam in Falam ah Covid mina an hmu thok saal hnu, June 1 ihsin Falam siizungpi OPD ah COVID-19 nat zohfelnak pawl felfaiten ngankhum tuahfel a si ih, mizaan July 20 tiangah nitinten Positive mina hmu ringring a rak si.

July 21 ahcun nat zohfeltu mipum 23 an um nan Positive pakhat hman an um lo tiah theih a si. Tuáš­um hi thla 1 luan rei hnu ah a hmaisabiknak Positive mina um lomi Ni tiah an hminsin a si.

Tuni ah Falam Covid Volunteer mipum 20 khal nat zohfelnak an nei ih an zaten an NEGATIVE. Test kit thawn Nat zohfel dan khal siibawipi in Volunteer pawl hnen ah a tak in a zirh ih hmaizarh ihsi cun Volunteer pawl in Falam khuasung ih veng pawl ah feh in Nat zohfel saknak an nei thlang ding a si.

Falam Covid-19 Mina Dinhmun

July 21 ih Covid nat checktu mipum 23 an negative thluh ih Siizung suak mi 6 an um.

June 1 ihsin July 21 tiangah nat checktu mi 1304 ah positive mipum 448 an si. (July 21 ah Covid mithi 1 a um ih Siizung um mipum 51 an si.)

Falam khuasung ihsin Covid nat nak thawn in cem santu mipum 34 le Likhua lam ihsin mi 4 in in cem san zo ih penghuap in Covid ruangih in cem san tu mipum 38 an um a si.

Leave a Reply

Your email address will not be published. Required fields are marked *