Falam ih mithiruak an sar mi cu CNA sungtel a rak si

Falam, Lungpi veng, zinthlang hrambur lak ih an hmu mi mithiruak cu CNA sungtel siivai tuamhlawmawknak lam ṭuanvonei Dr. Naing Htoo Lwin a si tiah kan thei.

Amah hi Magway mi si in, ဆေးတက္ကသိုလ် ၂ tlawngta a si tiah theih a si ih rampi a buai hnu ah ram le miphun hrang pumpeaw in Dothlengnak ah a tel tiah an sim.

Athih thu thawn pehpar in CNA in sunnak ca an suah ih “CNA siizung lam ih ṭuanvonei Dr. Naing Htoo Lwin cu 2021, October 15 ah ram le miphun hrang pum a peawnak ah a nunnak a cem.”

“Ram le Miphun hrang ih a pumpekawknak hi kan nih CNA in kan theihpi ih a tantami a sung le thawn rualin kan riahsiatpi a si” tiah an tarlang.

Dr. Naing Htoo Lwin ih ruak cu Ocotober 23 ah Falam, Lungpi veng, lamzin thlanglam pi 10′ hrawng hlatnak hrambur lakah an hmu ih ataksa a siat thluh ruangah zo a si ti an thei lawk lo.

Zobik a si timi an theih saal tikah a ruh-ro pawl țhawn saal thei dingin pengțhuam 144 KM kiangah Lungpi Baptist Church pastor Saya David thlacamnak thawn an vuiliam tiah kan thei.

Leave a Reply

Your email address will not be published. Required fields are marked *