Falam-Hakha zinpi doawknak, CNF official thusuah

Falam-Hakha zinpi ah, 2022, July 8 ihsin 16 karlak, Chin ralkap ṭangkop pawl le ralhraang ralkap doawknak thu cu tuni July 19 ah CNF in official in thu a suah ih, zarhkhat luan sungah amalbik voi 8 doawknak um in, ralhraang ralkap thi 60 hnakih mal lo le hriam tuar 17 hrawng an um ti`n an tarlang.

Doawknak ah CNA, Chinland Joint Defense Committee (Special Force), CDF – Thantlang, CDF – Hakha, Chin National Defense Force – CNDF tipawl ṭangtlangin ralhraang ralkap thawn voi 8 hnakih mal lo kahdonak a um ti a si ih, doawknak ah Chin ralkap lam ihsin ram le miphun hrang nunnak hlantu mi 2 an um ve.

Kalay le Falam karlak, Valung kiang ah mawhneilo khawmi pakhat rapthalk zetin an that hlei ah Falam le Hakha zinpi ih um, Ṭaal khua ah inn 29, Tlangzar ah inn 9, Chuncung ah inn 15 tipawl an urkaang.

Ralhraang ralkap hi mawṭaw 27 le mipum 200 hrawng si ding ih ruah an si ih doawknak nasabiknak hmun pawl cu Thlanrawn, Ṭaal, Tlangzar, Dokṭhek le Chuncung khua kiang pawl ah an si tiah CNF thusuah mi ah tarlang a si.

Kawl ca thawn ngan mi thusuah kimciang tanglam ah na siar thei …….

Leave a Reply

Your email address will not be published. Required fields are marked *