Falam : Dothlengnak ruangih kaihkhih tuar mipahnih thlah zalen

Dothlengnak thu thawn pehpar in Falam ih kaihkhih tuar mi pahnih cu June 30, 2021 ah an thlah zalen tiah thuthang kan dong.

Rampi a buai hnu, Falam ah kaihkhih tuar le Penal Code Section (505 – a) thawn khing a tuartu mi 4 an um.

Mi 3 cu lamzawh duhphorhnak ih kaihkhih tuar an si ih, mipakhat cu lamzawhnak ih hmanmi bungrua le zian dawng ruangih kiahtuar a si.

Cupawl lakah kum 54 mi Pa Za Lian le Pa Kyaw Kyaw (kum 34) pawl an thlah zalen mi a siih an pahnih in Covid nat an nei ruangah Siizungpi ah tuamhlawm dingin an kuat so cih tiah thuthang kan dong.

SAC ralhraang in June 30 ih rampihuap thawngtlak a thlah zalen mi ah Chinram khua dangdang ih thawngtla pawl khal an tel ih Falam ihsi cun mipahnih an telve a si.

Leave a Reply

Your email address will not be published. Required fields are marked *