Falam Covid Dokhamnak hrangah neihsiah sumpai uilotu zohṭhimtlak innsang 2

Covid 19 pulhnatpi lakih talbuai rero Falam khuapi hrangah Kyat ting 50 rori a thawhtu innsang 2 an um thlang tiah theih a si.

Cumicu pawlkom le kawhhran zawngih thawh mi siloin bulpak innsang rorin an hlu mi a si ih, an siannak cu upat tlak rori a si tiah Chin Relief-rehabilitation and Community Development Foundation (CRCDF) ṭuanvonei pakhat in a sim.

Amahcun “kan khuapi himnak le mipi zate ih nunnak him dingih hnaṭuannak hrangah ti thei tawk in sumpai thawn in tanpitu zate’n thate’n hminsin in kan ngankhum. Tuvek boruak sia lakah ahleice in lamhla umtu pawl ih ngeihsak tanpinak um lo sehla kan pul hloral thluh ding. Lungrual te’n hih pulhnat kan dokhawm tlaang thluhmi hi a sunglawi tuk” tiah a ti.

Kyat ting 50 thawhtu innsang pahnih cu Falam ih kan MP hlun Pu Nah Thang tefa pawl ih Cung Family Company le Champhai ih um Phunte khuami Pu Khuang Luai tei` innsang an si.

CRCDF ṭuanvo neitu cun neihsun suapai thawhtu lawng siloin thilri thawn siseh, ruahnak le thlacamnak thawn Falam khuapi hrang duhsaknak a neitu zate hnen ah lungawinak sim cawk lo an nei thu le hih sumpai pawl cu mina pawl hrang le COVID thawn pehparmi ṭulnak hrang ah dikfel le fuh zet in an hmang ding thu pawl a sim bet a si.

Leave a Reply

Your email address will not be published. Required fields are marked *