Falam ah Zuri aa Palik pahnih an kap aw

Tuzaan June 30, nazi 10 hrawngah Falam ih zuri aa palik pahnih cu tiawthiam loin mah le mah an kapaw ih Siizung tiang an thleng tiah theih a si.

“An buainak san cu ka thei ciah lo. Zuri aa in an buai tilawng ka thei. Deputy Superintendent in amah sangtu Lal Cawi Sang ih Hna naamte thawn a hlep sak. Lal Cawi Sang in meithal thawn a pum ah a kap ve. Cuvial lawng ka thei” tiah tualsungum mipakhat in a rel.

Meithal hriam tuar palikbawi cu Falam Siizungpi ah an kuat nan a besia deuh ruangah Kalaymyo siizung lam ah kuat an tum. Lal Cawi Sang khal Falam Siizungpi ah an tuamhlawm tiah theih a si.

Tulaifang hi kan rampi boruak ah SAC ralhraang kuttang ih hnaṭuan pawl an umdan a lai zet.

An pu le pawl le ṭih fawn si, mipi kut tuar ding le phang si in laklawh zetin an um ih khuaruahhar thinbuai ah mah le mah tiawthaim loin meithal thawn kapaw ih thihhlo tongtu hmuh ding an tam zet zo a si.

Leave a Reply

Your email address will not be published. Required fields are marked *