Falam ah Covid 19 mithi Vuiliam saal +Atufang Falam Dinhmun

Parte khuami Pi Aye Sui (kum 50) cun tuni July 14, zinglam nazi 5 hrawngah Falam Siizungpi ah in cem san thiah theih a si.

Amah hi Falam khusung ihsin Covid 19 natnak thawn in cem san tu mipum 26 nak a siih, in cem san hnu zinglam nazi 8 hrawngah Volunteer pawl le kawhhran țuanvo neitu pawl in Lailun ziin ih Cinmual thlanmual thar ah an vuiliam a si.

Falam COVID-19 Mina Dinhmun

July 14 ah nat check tu mipum 12 lakin mi 2 an positive ih, June 1 ihsin tuni July 14 tiangah nat checktu zatekom mipum 1179 lakin positive 414 an um zo a si.

Tuni ah Siizung suak mi 6 an um ih zatekom in mipum 180 Siizung ihsin an suak zo. June 1 ihsin July 14 tiangah penghuap Covid mithi mipum 30 an um zo tiah theih a si.

Falam peng ah Covid ruangih mithi pawl cu … June 2 ah Pi Zing Rem Thluai (Kum 53), June 12 ah Rev. Piang Bik (Ramthlo- Kum 51) le Pi Khawfeli (Rihkhawdar- Kum 81), June 13 ah Pu Sui Ceu (Kum 67) le Pu Lalthanpuia (Rihkhawdar- kum 38), June 16 ah Mai Lal Muan Kim (Kum 27), June 18 ah Pi Za Nawn Kai (Kum 79), June 19 ah Pastor Thang Hre Mang (kum 33), June 21 ah Pi Lun Khaw Niang (kum 76), June 22 ah Salai Lal Than Eng (kum 25), June 24 ah Pu Cung Lian (kum 66), June 25 ah Pu John Ral Za Lian Kulh (kum 60), June 26 ah U Win Naing (Rihkhawdar- kum 72), June 27 ah Pu Hrang Thawm Vel (kum 62), June 28 ah Pu Leeng Tin Hre (kum 66), June 29 ah Daw Win Mya Kyi (kum 51), June 30 ah Pi Ni Siang Men (kum 39), July 1 ah Pi San Del (kum 63) le Pu Lal Duh Cung (kum 44),July 2 ah Pu Hung Hleih (kum 46), July 5 ah Pu Thang Lam Kim (kum 40), July 7 ah Pu Martin Hniar Cung (kum 72), July 9 ah Rev. Philip Tlei Thuan (kum 63) le Pu No Lian Sang (kum 73), July 10 ah Pu Ronald Ci Hem (kum 75), July 11 ah Pi Thian Vel (kum 55) le Rev. D. Vai Lian Zul (kum 50), July 12 ah Salai Cin Sum Bik (kum 29) le Pu Anselm Vung Suan Kham (kum 64), July 14 ah Pi Aye Sui (kum 50) pawl an si. (CH)

Leave a Reply

Your email address will not be published. Required fields are marked *