Falam ah Covid 19 mina 3 an um thlang, +Chin ramkulh dinhmun

November ni 15 ih Covid 19 mina thar pakhat hmu bet mi thawn tufang, Falam ah Covid 19 mina 3 an um ih Falam Siizungpi ah tuamhlawm an si rero lai thu theih a si.

November ni 15 ih mina thar hmu bet mi cu Sunthla mi a siih Hakha ah Tender dil dingih feh tum a si.

Hih thuthawn pehpar in Covid 19, Falam Volunteer hotu Timmy cun “A mah hi Sunthla khua mi a si. Hakha ah Tender dil dingah a feh mi a si ih a taksa par ah Covid 19 nathrik hmuhsuah a si ruangah a thlun tu a fapa khal Quarantine hmun ah kan ret” tiah Chinland Herald daily news hnen ah a sim.

Tufangah Falam Siizungpi ih zohkhen mi Covid 19 mina 3 cu November 15 ih hmuhsuah mi Sunthla pa, November 14 ih hmuhsuah mi Tedim mi mipakhat le November 9 ih hmuhsuah mi Kalay ihsin Falam lam pan ih Kuak zuar tum mipakhat pawl an si.

November 14 ah hnaŠĻ≠uan thu thawn pehpar in Tedim ihsin Hakha lam pan ih feh tu, a taksa par ih Covid 19 nathrik hmuhsuah mi Tedim mi cu Falam peng Lungbang khua le Valung khua ih a cawlhnak rawldawr pawl khal an phitter thluh cih a si.

Tufangah Chin ram huap dinhmun in Falam ah mina 3, Mindat ah 11, Hakha ah 2, Tedim ah 3, Tonzaang ah 1, Kanpetlet ah 1 ti`n Chin ramkulh sungah Covid 19 mina 21 an um a si. (CH daily news)

Leave a Reply

Your email address will not be published. Required fields are marked *