Dothlengnak ah Nuralṭha Dawt Hnem Sung (Aa Khu) ih Nunnak Liam

March 28, Tahan Duhphorhnak ah Thantlang khuami nuralṭha Dawt Hnem Sung (Aa Khu) nunnak a liam tiah thu felfai theih a si.

“Buainak sosang sin in kahawnak a suak thei tiah mizaan lam ihsin thu a rak um cia ih March 28 zaanlam in ralkap lam in meithal an hmet puak thok hi a si”.

“Hliamhma tuar dang khal an um ih cumi ah kan rualṭha Aa Khu in in liam san” tiah mipakhat in a ti.

Aa Khu hi Thantlang peng, Leitak khuami a si nan Falam khalah Tlawng a rak kai dah. (Canbari tlawng le Saya Thawng Luai Mang te tlawng St.John)

Delhi lam khalah raltlan dinhmun in caan reipi a rak um dah ih Burmese Refugee Women Delhi le pawlkom dang khalah sungtel/hruaitu dinhmun in Chinmi hrang hna rak ṭuan ringringtu a si.

Tukhalah Women for Justice timi pawlkom ah hruaitu dinhmun in ṭuanvonei lai a si ih miphun hrang ah nunnak peaw in dairial a cangta a si.