Covid natnak in Falam mino 1 Mual Liam

Falam, Cinmual veng ih um mino (kum 20 hrawng) pakhat cu Covid natnak in June 16 ah a thi tiah thuthang kan dong.

“Amah hi thisensang le zumthlum nat nei a si tiah an sim. Kum 20 hrawng a si ih Fala note a si” tiah tualsungum mipakhat in a sim.

Falam peng ah May thlacem lam in Covid mina thar an hmu thok sal ih May 19 ihsin June thlalai tiangah Covid nat nei 200 lenglo an hmu zo.

Covid natnei lakah June 2 ah nupinu pakhat, June 12 ah mi 2, June 13 ah kum upa pakhat le tuni June 16 ah mino pakhat ti`n June thlasung lawngah Falam peng ah Covid natnak thawn mi 5 an thi zo a si.

Falam peng ah voilekhat in Covid nat a karh ciamco ruangah mibur umkhawm hrial ding, kut kholh teima ding, ṭullo nakah leng suakvak lo ding, lengsuak khalle hmaikhuh bun tengteng ding ti`n nat karhzai lo dingin pawlkom zawngin siseh Falam Covid Volunteer pawl khalin nasaten thuthannak le forhfialawknak an nei a si.

Leave a Reply

Your email address will not be published. Required fields are marked *